Zgjohu Ymet !

Ah si t’ishe tash pranë nesh, o i Dërguari  i Perëndisë

Ta shikoje këtë Ymet, në ç’mjerim është katandisë

Pse i harruam këshillat tua, pse harruam bujarinë

Pse harruam njëri-tjetrin, përse mbollëm hasmërinë

Ty të zgjodhi Perëndia, Ta lartësosh fjalën e Tij

Fjala jote ish urtësia, Vepra jote, madhështi

Vallë ku treti krenaria, që stoliste shpirtrat tanë

Vallë ku treti trimëria, që e kishin t’parët tanë

A thua pse kaq jem ligështuar, çfarë po ndodh o Zot me Ne

Vetëm lot, vaj e dëshpërime, ngjajmë si hije që ecin mbi dhe.

A do t’ketë më shpresë për Ne, dielli më a do t’na ndriçojë

A thua kush prej këtij mjerimi, këtë Ymet do ta shpëtojë

Na ndihmo o Zot i Madh, Ta kalojmë këtë plogështi

Na forco Ti me Imam, Na e lehtëso çdo vështirësi

Zgjohu Ymet i Imanit, ngrite zërin në çdo anë

Ktheje lavdinë e Islamit, lësho kushtrimin anembanë. 

Sabri Bajgora

5 Nëntor 2006